నీకున్న ఆ ఇద్దరు శత్రువులు ఎవరో నాకు తెలుసు..

మనకు తెలియకుండా మనకు ఇద్దరు శత్రువులు ఎప్పుడూ మనతోనే ఉంటున్నారు.మనల్ని చూస్తున్నారు. మనం తీసుకునే నిర్ణయాలకు అడ్డు పడుతున్నారు. ఒక శత్రువేమో నిన్ను వనికిస్తున్నాడు,ఒక శత్రువేమో నిన్ను ఓడించాలని చూస్తున్నాడు. ఇంతకీ ఆ శత్రువులు ఎవరో మీకు తెలుసా?

First  Enemy Fear

ఇక్కడ శత్రువు అంటే మనలో ఉన్న మానసిక లోపం అని నా ఉద్దేశం.మొదటిది భయం ఈ  భయానికి కల్పన కి చాల దగ్గరి సంభందం ఉంది.లేనిది సృష్టించుకుని పదే పదే  దాని గురించే ఉహించుకుని భయపడటం అనేది మనకి తెలియని ఒక ఉహా ప్రపంచం లో ప్రయాణించడం తరచూ జరుగుతూ ఉంటుంది.అసలు భయం అనేది లేదు.దాన్ని మనం సృష్టిస్తాం...అది మన వెంట పడేలా తరచూ మనం దాని గురుంచే ఆలోచించడం వలన అది మనలో ఇంకా ఎక్కువ అవుతుంది.చేస్తున్న పని అవుతుందో లేదో అనే భయం,వచ్చిన ఆలోచన సరైనదో లేదో అనే భయం.లేని విషయాలను సృష్టించుకుని ఆ ఉహలో అనేక కధలు అల్లుకుని చివరికి చేస్తున్న పని మీద పట్టు కోల్పోయి వెనుతిరుగుతూ ఉంటుంటాం.అసలు భయాన్ని సృష్టించినది మనిషే...మరి దాన్ని జయించడం ఎలా?అని చాల సార్లు అనుకుంటాం...అసలు ఈ సృష్టిలో లేనిదాన్ని మనం ఎలా జయించగలం..?ఎందుకంటే సృష్టించింది మనమే కదా...మనమే సృష్టించి మనమే దాని మీద పోరాడటం ఎందుకు?అసలు సృస్టించకుండా ఉంటె సరిపోతుంది కదా...భయం తాలూకు ఆలోచనలని ఆపటమే దైర్యం.మన ఆలోచనల్లో భయానికి సంబందించిన కధలను సృష్టించకపోవడమే  దైర్యం.ఒక వంద మందిలో  ఒక వ్యక్తీ  వెళ్లి స్టేజ్ మీద అనర్గళంగా మాట్లాడినపుడు బాగా మాట్లాడాడు అంటాం...కానీ దాని వెనుక తనకి తానూ ఆత్మ శోధనలో తన భయానికి నచ్చ చెప్పి దైర్యాన్ని నిద్ర లేపటానికి అతను పడ్డ సంఘర్షన్ మనకు కనిపించదు.వందలో ఒకడు స్పెషల్ గా కనిపిస్తున్నాడు అంటే అది వాడిలో ఉన్న దైర్యం.నువ్వు కనిపించట్లేదు అంటే అది నీ పిరికితనం అంటే మనం ఒప్పుకోలేము.ఎందుకంటే మనకి మనోవిజ్ఞానం కంటే జోతీశ్యం అంటే ఎక్కువ ఇంట్రెస్ట్ కనుక...పది మందిలో సిగ్గు లేకుండా డాన్స్ ఎంత బాగా వేస్తున్నాడురా అని ఆలోచించకుండా...పది మందిలో సిగ్గు లేకుండా డాన్స్ చేయడానికి వాడిలో ఉన్న భయాన్ని ఎంత బాగా చంపాడు అనేది బాగా ఆలోచిస్తే రహస్యం తెలుస్తుంది.

ఉదాహరణకు రాహుల్ అనే ఒక Aspiring Filmmaker తను Feature Film  చేయడానికి కొన్ని షార్ట్ ఫిలిమ్స్ తీసాడు.ఇప్పుడు అతను Feature Film కి స్క్రిప్ట్ రాయడానికి అర్హుడేనా అనే ప్రశ్న తనలో తానె వేసుకున్నాడు..అలా తనకి తెలియకుండానే తన బుర్రలో వచ్చే మంచి మంచి కధలు అన్ని తనలో ఉన్న అర్హత అనే భయం ఆ కధలను అడ్డుకుని చివరికి ఎలాంటి సినిమా తీయకుండా చేసాయి.ఇక్కడ మనం తెలుసుకోవలసినది ఏంటంటే అతని దగ్గర మంచి టాలెంట్ ఉన్నప్పటికీ చేయలేనేమో అనే భయం అతన్ని ఆపేసింది.ఇక్కడ తనలో సినిమా కధని సృష్టించింది అతనే...ఆ భయాన్ని సృష్టించింది కూడా అతనే..ఇలా చాల మంది తాము అనుకున్న టార్గెట్స్ కి చుట్టూ కొన్ని భయాలను సృష్టించుకుని టార్గెట్స్ కంటే ఆ భయాల గురించి ఎక్కువ అలోచించి,టార్గెట్స్ కంటే ఆ భయాలని ఎక్కువ డెవలప్ చేస్తూ ఉంటారు.కాబట్టి ఇక్కడ భయం అనే శత్రువు ఎక్కడ ఉందొ తెలుసుకుని మనలో మనమే ఆత్మశోధన చేసుకుని ఆ భయం అనే శత్రువుని చంపేసి చేస్తున్న Process ని Enjoy చేస్తూ ముందుకు వెళితే కచ్చితంగా విజయాన్ని చేరుకుంటాం. అందుకే అద్దంలో మనతో మనం ఎక్కువ మాట్లాడుకోవడం మంచిది అంటారు.

Second Enemy Escapism.

ఇది భయం కంటే చాల ప్రమాదకరమైనది.చేసే పని కొంచెం కష్టంగా అనిపిస్తే చాలు...లేదా ఆ పని ఆపటానికి చిన్న కారణం దొరికితే చాలు ఆ కారణం చేత మనకి మనమే నచ్చ చెప్పి ఆపేస్తాం.దీన్నే మనిషి తానూ అలవాటు పడ్డ comfort zone లోకి వెళ్ళటం అని కూడా అంటారు.మరోల నేను Escapism అని కూడా అంటున్నాను. దీని గురించి సరిగ్గా చెప్పాలంటే నా స్నేహితుడి జీవితం లో జరిగిన సంఘటన ని ఉదాహరణ గా తీసుకుందాం.

సన్నీ అని 110 కేజీలు ఉండేవాడు.దానితో వాడు చాలా లావుగా కనిపించేవాడు..ఫ్రెండ్స్ అంతా వాడిని హేళన చేయడం మొదలు పెట్టారు.దానితో వాడు ఎలాగైనా బరువు తగ్గాలి అని ఒక Strong Decision తీసుకుని చాల ఆవేశంగా జిమ్ లో జాయిన్ అయ్యాడు...అలా  ఒక పది రోజులు చేసాక...మెల్ల మెల్లగా జిమ్ కి వెళ్ళడం మానేసాడు...అంటే వాడిలో ఉన్న Escapism అనే శత్రువు తీసుకున్న నిర్ణయం అది.అక్కడ సన్నీ అనుకున్నది రీచ్ అవ్వలేకపోయాడు.ఇలా ఇతని ఒక్కడి జీవితం లోనే కాదు చాల మంది జీవితాల్లో జరుగుతూ ఉంటుంది.అందుకే మన పెద్దలు నిలకడ ఉండాలిరా...స్దిత ప్రజ్ఞత ఉండాలిరా అని అంటూ ఉంటారు. Yes.. this is all about Consistency…స్దితప్రజ్ఞత లేకుంటే సక్సెస్స్ రాదు...మనం సీరియస్ గా ఒక టార్గెట్ పెట్టుకుంటాం.మొదట్లో దాని గురించి చాల హార్డ్ వర్క్ చేస్తాం.కానీ కొన్ని రోజులకి ఆ ఆవేశం చల్లారుతుంది.ఈ Escapism అనేది నిజంగానే కనిపించని ఒక పెద్ద శత్రువు...ఇలాంటప్పుడే ఏదన్న పని మొదలు పెట్టేప్పుడు Consistency అనేది మన జీవితాల్లో ముఖ్య పాత్ర పోషిస్తుంది.సో ఫైనల్ గా ఈ ఇద్దరు శత్రువులని మనం హతమార్చగలిగితే మనం ఏది అనుకున్నామో అది కచ్చితంగా రీచ్ అవ్వగలం.మరి ఈ శత్రువుని ఎలా హతమర్చాలి అనే ప్రశ్న మీలో వచ్చి ఉండొచ్చు....దీనికి మన పూరి గారు చెప్పిన ఒక డైలోగ్ ఉంది....ఎవ్వడి మాట వినొద్దు...మనిషి మాట అస్సలు వినొద్దు...మద్యలో ఇదెందుకు వచ్చింది అనుకుంటున్నారు కదా....

అవును మన ప్రతి కదలిక మన చుట్టూ ఉన్న మనుషులు గ్రహిస్తూనే ఉంటారు...మనం చేసే పనిలో బోలెడన్ని ఉచిత సలహాలు ఇస్తూ ఉంటారు...ఉదాహరణకు...హే అది నీకు సెట్ అవ్వదబ్బా....రిస్క్ ఉంటుంది.సేఫ్ గా ఆడు..ఇలాంటివి.మనం స్ట్రాంగ్ గా ఎదో అనుకుని మొదలు పెడతాం...ఆ తరువాత వీళ్ళు అనే చిన్న చిన్న మాటలు చాలు పేక మేడ కుప్ప కూలడానికి...ఇంకేం మాములుగానే మనుషులది అవకాశం దొరికితే తప్పించుకునే స్వభావం కాబట్టి ఆ పని మధ్యలోనే వదిలేస్తాం.కాబట్టి ఫ్రెండ్స్...ఒక్కసారి ఫిక్స్ అయితే నా మాట నేనే వినను అనే స్వభావంతో దూసుకువెల్లడమే సరైన పద్దతి...చీకటిలో ఎదో ఉంది ఎదో ఉంది అని భయపడే  బదులు చీకటిని చేదించి శోదించి సాధించడమే జ్ఞాని లక్షణం.మన దేశంలో మానసిక వైద్యుల కంటే జోతిష్యులు ఎక్కువ కాబట్టి మానసిక లోపాలను మనలో మనమే ఎడిట్ చేసుకుని విషపూరిత ఆలోచనలను,అవసరం లేని భయాలను బయటికి పారద్రోలి ముందుకు వెళదాం...అసలైన జీవితం అనేది Comfort Zone దాటితేనే మొదలవుతుంది. జై హింద్.

కల్కి కలం.

ఫ్రెండ్స్... ఈ బ్లాగ్ నీ మీరు ఇంకా ఫాలో అవ్వకపోతే ఇప్పుడే ఫాలో బటన్ క్లిక్ చేయండి.అలాగే మెయిల్ బాక్స్ లో మీ మెయిల్ ఐడి కూడా జోడించండి.నేను రాసే బ్లాగ్ లు డైరెక్ట్ గా మీ మెయిల్ కి వస్తాయి.థాంక్ యు…